Xiaomi நிறுவனம் சத்தம்போடாமல் அதன் புதிய ஸ்மார்ட்போன் ஒன்றின் மீது பணியாற்றி வருகிறது. அந்த ஸ்மார்ட்போன் 144 MP அளவிலான பிரதான கேமராவை கொண்டிருக்கும் என்கிற தகவல் வெளியாகியுள்ளது.
Xiaomi 144MP Camera
உலகளாவிய தொற்றுநோய் ஆன கொரோனா வைரஸ் பீதி மற்றும் பரவல் காரணமாக பல நாடுகளில் பல தயாரிப்புகளின் வெளியீடுகளை சியோமி நிறுவனம் தள்ளியுள்ளது.
இன்னும் சொல்லப்போனால், நோட் 9 புரோ மற்றும் ப்ரோ மேக்ஸ் போன்ற சமீபத்தில் அறிமுகமான தயாரிப்புகளை உற்பத்தி செய்வதற்கும், விற்பனை செய்வதற்கும் கூட முடியாத நிலைப்பாட்டில் சியோமி உள்ளது
இருப்பினும் கூட, கொரோனா வைரஸ் லாக்டவுனால் சியோமி நிறுவனம் மேலும் பல புதுமையான தயாரிப்புகளில் பணியாற்றுவதை நிறுத்த முடியவில்லை. கிடைக்கப்பெற்ற ஒரு புதிய அறிக்கையின்படி, சியோமி நிறுவனம் ஒரு மர்மமான தயாரிப்பில் பணியாற்றி வருவதற்காக தகவல் வெளியாகியுள்ளது - அது 144 மெகாபிக்சல் கேமரா ஆகும்!
ஆம்! நீங்கள் சரியாகத்தான் படித்துள்ளீர்கள்! எதிர்கால சியோமி ஸ்மார்ட்போனில் 144 மெகாபிக்சல் கேமரா இடம்பெறலாம். இந்த தகவலானது GSMArena வெளியாக நமக்கு கிடைத்துள்ளது என்பதும் இங்கே குறிப்பிடத்தக்கது.
வெளியான அறிக்கையின்படி, சியோமி தற்போது வரவிருக்கும் ஸ்மார்ட்போனில் வேலை செய்கிறது மற்றும் அந்த ஸ்மார்ட்போனின் மிகப்பெரிய சிறப்பம்சமாக அதன் 144 மெகாபிக்சல் மெயின் கேமரா திகழும்.
சியோமி இந்த ஸ்மார்ட்போனை சியோமி மி 10எஸ் ப்ரோ (Xiaomi Mi 10S Pro) அல்லது மி சிசி 10 ப்ரோ (Mi CC10 Pro) என்கிற பிராண்டிங்கின் கீழ் அறிமுகப்படுத்த வாய்ப்புள்ளது.
கூறப்படும் 144 மெகாபிக்சல் சென்சார் தற்போதைய சியோமி ஸ்மார்ட்போன்களான மி நோட் 10 தொடர், மி 10 5ஜி, மி ஆல்பா, மி CC9 ப்ரோவில் உள்ள 108 மெகாபிக்சல் சென்சாரின் வாரிசாக இருக்க வாய்ப்புள்ளது.
அறிக்கையின்படி, நிறுவனம் இந்த 144 மெகாபிக்சல் சென்சாருக்காக சாம்சங்குடன் இணைவதற்கு வாய்ப்புள்ளது. ஏனென்றால் இந்த அளவிலான அதிக தெளிவுத்திறன் கொண்ட சென்சாரில் சாம்சங் மட்டுமே செயல்ப்பட்டு என்பது வெளிப்படை.
No comments:
Post a Comment